കോഴിക്കോട്: നവംമ്പര്‍ 10,11,12 തിയതികളിലായി കോഴിക്കോട് നടക്കുന്ന മുസ്‌ലിം യൂത്ത്‌ലീഗ് സംസ്ഥാന സമ്മേളന പ്രചാരണാര്‍ഥം നവംമ്പര്‍ അഞ്ചിന് പതാക ദിനമായി ആചരിക്കാനും എട്ടിന് ജില്ലാതലത്തില്‍ യൂത്ത് ബാന്റ് സംഘടിപ്പിക്കാനും മുസ്‌ലിം യൂത്ത് ലീഗ് സംസ്ഥാന സെക്രട്ടേറിയറ്റ് യോഗം തീരുമാനിച്ചു. നവംമ്പര്‍ അഞ്ചിന് ശാഖാ തലത്തില്‍ പതാക ഉയര്‍ത്തിയും കൊടി തോരണങ്ങളാല്‍ അലങ്കരിച്ചും സമ്മേളനം വിളംബരം ചെയ്യും. നവംമ്പര്‍ എട്ടിന് വൈകിട്ട് ജില്ലാ കേന്ദ്രങ്ങളില്‍ യൂത്ത് ബാന്റ് സംഘടിപ്പിക്കും.
യോഗത്തില്‍ സംസ്ഥാന പ്രസിഡന്റ് പി.എം സാദിഖലി അധ്യക്ഷനായി. സി.കെ. സുബൈര്‍, കെ.എം. അബ്ദുല്‍ ഗഫൂര്‍,  കെ.പി. താഹിര്‍, സി.പി.എ. അസീസ്, പി.എ. അഹ്മദ് കബീര്‍, റഷീദ് ആലായന്‍, പി.കെ. ഫിറോസ്, കെ.ടി. അബ്ദുറഹിമാന്‍, എം.എ. സമദ്, അഷറഫ് മാടാന്‍ പ്രസംഗിച്ചു.