തിരുവനന്തപുരം: സ്‌കോള്‍-കേരള മുഖാന്തരം ഡി.സി.എ കോഴ്‌സിന് 2015-ലെ ആദ്യ ബാച്ചില്‍ ചേരുകയും കോഴ്‌സ് പൂര്‍ത്തിയാക്കാന്‍ സാധിക്കാതെ വരികയും ചെയ്ത വിദ്യാര്‍ഥികള്‍ക്കു വ്യവസ്ഥകള്‍ക്കു വിധേയമായി പുനഃപ്രവേശനത്തിന് അവസരം നല്‍കും. ഈമാസം 28 വരെ സ്‌കോള്‍-കേരളയുടെ വെബ്‌സൈറ്റായ ംംം.രെീഹലസലൃമഹമ.ീൃഴല്‍ നിന്നു പുനഃപ്രവേശനത്തിനുള്ള അപേക്ഷ ഡൗണ്‍ലോഡ് ചെയ്യാം. 500 രൂപയാണ് ഫീ. മുന്‍പ് ഡി.സി.എ കോഴ്‌സില്‍ രജിസ്റ്റര്‍ ചെയ്തവരില്‍ ഫീസ് കുടിശ്ശിക വരുത്തിയവര്‍ ബാക്കി തുക അപേക്ഷയോടൊപ്പം അടയ്ക്കണം. അപേക്ഷയും ഫീ ഒടുക്കിയ ചലാന്റെ പകര്‍പ്പും അനുബന്ധ രേഖകളും മുന്‍പു പ്രവേശനം ലഭിച്ച സ്‌കൂള്‍ പ്രിന്‍സിപ്പലിനു സമര്‍പ്പിക്കണം. വിശദ വിവരങ്ങള്‍ക്ക് ംംം.രെീഹലസലൃമഹമ.ീൃഴ സന്ദര്‍ശിക്കുകയോ, സ്‌കോള്‍ കേരള സംസ്ഥാന, മേഖലാ, ജില്ലാ ഓഫിസ് എന്നിവിടങ്ങളില്‍ ഫോണ്‍ മുഖേന ബന്ധപ്പെടുകയോ ചെയ്യണം.