പാറ്റ്‌ന: കടയില്‍നിന്നു സിഗരറ്റ് മോഷ്ടിച്ചെന്നാരോപിച്ച് കുട്ടിയെ കെട്ടിയിട്ട് ക്രൂരമായി മര്‍ദിച്ചു.
ബിഹാറിലെ ബേഗുസാരായിയിലാണ് സംഭവം. മോഹന്‍പുര്‍ ചൗക്കിലെ കടയില്‍ മോഷ്ടിച്ച സിഗരറ്റ് വില്‍ക്കാനെത്തിയപ്പോഴാണ് കുട്ടിക്കു മര്‍ദനമേറ്റത്. പ്രദേശത്തെ ഒരു കടയില്‍ കഴിഞ്ഞ ദിവസം മോഷണം നടന്നിരുന്നു. ഇതിനു പിന്നില്‍ കുട്ടിയാണെന്നാരോപിച്ചായിരുന്നു മര്‍ദനം. നാട്ടുകാര്‍ സംഘടിച്ച് കുട്ടിയെ കെട്ടിയിടുകയും മര്‍ദിക്കുകയുമായിരുന്നു. പൊലിസ് അന്വേഷണം ആരംഭിച്ചു.