'
മുട്ടില്‍: വയനാട് ഓര്‍ഫനേജ് വൊക്കേഷനല്‍ ഹയര്‍ സെക്കന്‍ഡറി സ്‌കൂളില്‍ നിന്നും വിരമിച്ച ചിത്രകലാ അധ്യാപകന്‍ പി. സുകുമാരന്‍ മാസ്റ്ററുടെ ചിത്രപ്രദര്‍ശനം 'സ്‌കേപ് 2016' മാനന്തവാടിയില്‍ നടക്കും. ഈമാസം 26 മുതല്‍ 30 വരെ ലളിതകലാ അക്കാദമി ആര്‍ട്ട് ഗാലറിയിലാണ് പ്രദര്‍ശനം. 26ന് കാലത്ത് 10ന് സുല്‍ത്താന്‍ ബത്തേരി ഡയറ്റ് സീനിയര്‍ ലക്ചറര്‍ കെ.കെ സുരേന്ദ്രന്‍ പ്രദര്‍ശനം ഉദ്ഘാടനം ചെയ്യും. ഡിജിറ്റല്‍ പെയ്ന്റിങ്, കൊളാഷ്, ഓയില്‍ പെയിന്റിങ്, വാട്ടര്‍ കളര്‍, ഓയില്‍ പെയ്സ്റ്റല്‍ ഉള്‍പ്പെടെ വിവിധ മാധ്യമങ്ങളിലുള്ള മുപ്പതിലധികം ചിത്രങ്ങളാണ് പ്രദര്‍ശനത്തിലുണ്ടാവുക.