കോഴിക്കോട്: ലെന്‍സ്‌ഫെഡ് ജില്ലാ കമ്മിറ്റിയുടെ ആഭിമുഖ്യത്തില്‍ ബീച്ച് മറൈന്‍ ഗ്രൗണ്ടില്‍ സംഘടിപ്പിച്ച ബില്‍ഡ് എക്‌സ്‌പോയുടെ ഭാഗമായി നടന്ന എന്‍ജിനിയേഴ്‌സ് മീറ്റ് തദ്ദേശ സ്വയംഭരണ വകുപ്പ് മന്ത്രി ഡോ. കെ.ടി ജലീല്‍ ഉദ്ഘാടനം ചെയ്തു. ജില്ലാ പ്രസിഡന്റ് കെ.ഇ മുഹമ്മദ് ഫസല്‍ അധ്യക്ഷനായി. മേയര്‍ തോട്ടത്തില്‍ രവീന്ദ്രന്‍ മുഖ്യപ്രഭാഷണം നടത്തി. എന്‍ജിനിയര്‍മാരായ ഡോ. എ. അച്യുതന്‍, കൈരളി ടി.എം.ടി എം.ഡി ഹൂമയൂണ്‍, ഹൈലൈറ്റ് ഗ്രൂപ്പ് ചെയര്‍മാന്‍ ടി. സുലൈമാന്‍ എന്നിവരെ ആദരിച്ചു. 'ലെന്‍സ്‌ഫെഡ്-2016' അവാര്‍ഡ് പ്രഖ്യാപനം ജില്ലാ സെക്രട്ടറി രാജേഷ് പുത്തന്‍പുരയില്‍ നിര്‍വഹിച്ചു.
എന്‍ജിനിയര്‍ പി.സി അബ്ദുറഷീദിന് ഏറ്റവും നല്ല ഡിസൈനര്‍ക്കുള്ള അവാര്‍ഡ് സമ്മാനിച്ചു. പി. മുഹമ്മദ് ഫൈസല്‍, പി.ടി.കെ മോഹനന്‍, കെ. ഷമീര്‍, ഷൈജു സുഹൈല്‍ എന്നിവര്‍ക്കും അവാര്‍ഡ് നല്‍കി. എന്‍ജിനിയര്‍മാരായ മധുസൂധനന്‍, കെ. സലീം, പി. മമ്മദ്‌കോയ, കെ. മനോജ് എന്നിവര്‍ക്കും 2015ലെ നല്ല ജൈവകര്‍ഷകയ്ക്കുള്ള കൊയിലാണ്ടി മുനിസിപ്പാലിറ്റിയുടെ പുരസ്‌കാരം നേടിയ വിനീതയ്ക്കും അവാര്‍ഡ് നല്‍കി. ജനറല്‍ കണ്‍വീനര്‍ കെ.കെ സുധീഷ് സ്വാഗതവും ജില്ലാ ട്രഷറര്‍ സി.എച്ച് ഹാരിസ് നന്ദിയും പറഞ്ഞു.