പുത്തനത്താണി: വിദ്യാര്‍ഥികള്‍ക്കു കഞ്ചാവ് വില്‍പ്പന നടത്തുന്ന മൂന്നു പേരെ കല്‍പകഞ്ചേരി പൊലിസ് പിടികൂടി. കന്മനം സ്വദേശി രാഹുല്‍ (21), കന്മനം തുവ്വക്കാട് സ്വദേശി കോങ്ങാട്ടില്‍ നിസാര്‍(27), കൊല്ലം പറവൂര്‍ സ്വദേശി ഷൈന്‍ഷാ (20) എന്നിവരെയാണു കല്‍പകഞ്ചേരി അഡീ. എസ്.ഐ രാജനും സംഘവും അറസ്റ്റ് ചെയ്തത്. കല്‍പകഞ്ചേരി സ്‌കൂള്‍ പരിസരത്തു നിന്നാണ് ഇവരെ കഞ്ചാവ് പൊതികളുമായി പിടികൂടുന്നത്.
എസ്.ഐ ക്കു പുറമെ എ.എസ്.ഐ മജീദ്, സി.പി.ഒ മാരായ ദാസന്‍, വിനീത് എന്നിവരും അന്വേഷണ സംഘത്തിലുണ്ടണ്ടായിരുന്നു.