ചൊക്ലി: എം.ടി.എം കോളജ് ഫെസ്റ്റ് 'സ്പ്ലാഷ് 16' ദിക്‌റ് ദുആ മജ്‌ലിസോടെ സമാപിച്ചു. മൂന്നു ദിവസങ്ങളിലായി നടന്ന ഫെസ്റ്റിന്റെ സമാപന സമ്മേളനം കെ.കെ മുഹമ്മദ് ഉദ്ഘാടനം ചെയ്തു. എസ്.കെ മുഹമ്മദ് ഹാജി അധ്യക്ഷനായി. വാഫി പഠനം പൂര്‍ത്തിയാക്കിയ കോളജ് പ്രഥമ ബാച്ച് വിദ്യാര്‍ഥികള്‍ക്കും ഡോക്ടറേറ്റ് നേടിയ മുന്‍ ലക്ചറര്‍ ഡോ. താജുദ്ദീന്‍ വാഫി, ഡോ. ജലീല്‍ വാഫി എന്നിവര്‍ക്കും അഡ്വ. ഷുഹൈബ് തങ്ങള്‍ ഉപഹാരം നല്‍കി. ചാംപ്യന്‍മാരായ സുംറ തൈബ ഗ്രൂപ്പിനു ട്രോഫി സമ്മാനിച്ചു. പ്രിന്‍സിപ്പല്‍ അബ്ദുറസാഖ് വാഫി ഫൈസി, നൗഫല്‍ മൗലവി എലങ്കമല്‍, മിദ്‌ലാജ് വാഫി സംസാരിച്ചു. പി മൊയ്തു ഹാജി, സുലൈമാന്‍ എന്നിവര്‍ സമ്മാനദാനം നടത്തി. ഖാലിദ് ഹാജി, അബ്ദുല്‍മജീദ് വാഫി, അഹ്മദ് ബഷീര്‍ വാഫി, നൗഫല്‍ വാഫി, അബ്ദുല്‍ ബാസിത് വാഫി, മുഹമ്മദലി വാഫി, സയ്യിദ് മാജിദ് റഹ്മാന്‍, സയ്യിദ് മിന്‍ഹാജ്, സയ്യിദ് താഹ കോയ സംബന്ധിച്ചു. അല്‍മശ്ഹൂര്‍ ആറ്റക്കോയ തങ്ങളുടെ നേതൃത്വത്തില്‍ ദിക്ര്‍ ദുആ മജ്‌ലിസുമുണ്ടായി. കലാമത്സരങ്ങളും നടന്നു.