പുതുനഗരം:  കാലാവസ്ഥ വ്യതിയാനംമൂലം വെള്ളം പമ്പ് ചെയ്ത് കൃഷിയിറക്കിയ കരിമ്പു കര്‍ഷകര്‍ക്ക് നല്ല വിളവെടുപ്പ് ലഭിച്ചെങ്കിലും മാര്‍ക്കറ്റില്‍ വെല്ലത്തിനുള്ള വിലതകര്‍ച്ച കരിമ്പുകര്‍ഷകരെ പ്രതിസന്ധിയിലാക്കി. കഴിഞ്ഞവര്‍ഷം 30 കിലോ വെല്ലത്തിന് (ഒരുശിപ്പം) 1300-1400 രൂവരെയുണ്ടായിരുന്നെങ്കിലും നിലവില്‍ ഒരുശിപ്പം വെല്ലത്തിന് 1100-1200 രൂപവരെയാണ് വില. ഒരേക്കര്‍ കരിമ്പ്കൃഷിയെടുക്കുന്നതിനു ആകെ ചെലവ് 5000 രൂപയാണ് നിലവില്‍ ജലസേചനത്തിനു പ്രതിസന്ധിനേരിടുന്നതിനാല്‍ 58,000 രൂപവരെ ചെലവായതായി കരിമ്പുകര്‍ഷകനായ ദണ്ഡപാണി പറയുന്നു.
കരിമ്പുകൃഷിയില്‍നിന്നും വെല്ലം നിര്‍മ്മാണം കഴിഞ്ഞാല്‍ ആകെകിട്ടുന്ന സംഖ്യ 65000 രൂപയാണ്. കൃഷിയിറക്കലിനും  വെല്ലം നിര്‍മ്മാണവും കഴിഞ്ഞാല്‍ എക്കറിന് ആകെ ലഭിക്കുന്നത്. 10-11 മാസകാലാവധിയുള്ള കരിമ്പ്കൃഷിക്ക് ഒരുസീസണില്‍ കര്‍ഷകര്‍ക്ക് പതിനായിരം രൂപപോലും തികയാത്ത അവസ്ഥയാണുള്ളതെന്നും കരിമ്പിന് വിലവര്‍ദ്ധിക്കുകയല്ലാതെ കര്‍ഷകര്‍ക്ക് രക്ഷയില്ലാത്ത അവസ്ഥയാണുള്ളതെന്ന് കര്‍ഷകര്‍ പറയുന്നു.
തമിഴ്‌നാട്ടില്‍ കരിമ്പ്കര്‍ഷകര്‍ക്ക് പലിശയില്ലാത്ത കാര്‍ഷികവായ്പമുതല്‍ വളത്തിനും  സബ്‌സിഡി ലഭിക്കുന്നതിനാല്‍ കരിമ്പ് കൃഷി ലാഭത്തിലാണ്.
എന്നാല്‍ പാലക്കാട് ജില്ലയില്‍ വംശനാശം നേരിടുന്ന കരിമ്പുകൃഷിയെ രക്ഷിക്കുവാന്‍ കൃഷിവകുപ്പ് നടപടിയെടുക്കണമെന്നും കരിമ്പ് കര്‍ഷകര്‍ നിര്‍മിക്കുന്ന വെല്ലം സബ്‌സിഡി നല്‍കി സിവില്‍സപ്ലൈസ് ഏറ്റെടുക്കണമെന്നുമാണ് കര്‍ഷകരുടെ ആവശ്യം.