മാനന്തവാടി:തിരുനെല്ലിയില്‍ വീണ്ടും തെരുവുനായയുടെ ആക്രമണത്തില്‍പിഞ്ചുകുഞ്ഞടക്കം നാലു പേര്‍ക്ക് കടിയേറ്റു. തിരുനെല്ലി അരണപ്പാറ സ്വദേശി കബീറിന്റെ ഭാര്യ സഫീറ (21), മകള്‍ ആയിഷ (ഒന്നര), വര്‍ണോത്ത് സാബിറ (28), മിച്ചഭൂമി കോളനി മുത്തു (30) എന്നിവര്‍ക്കാണ് തെരുവുനായയും ആക്രമണത്തില്‍ പരുക്കേറ്റത്. ഇന്നലെ ഉച്ചകഴിഞ്ഞായിരുന്നു സംഭവം.

അരണപ്പാറ പ്രദേശത്ത് തെരുവുനായ ഭീതിവിതച്ചത്കടിയേറ്റ എല്ലാവരും ജില്ലാ ആശുപത്രിയില്‍ ചികിത്സതേടി. കഴിഞ്ഞ ഒരുമാസത്തിനിടെ പതിനഞ്ചോളം പേര്‍ക്ക് ഇവിടെ കടിയേറ്റിട്ടുണ്ട്. എത്രയും പെട്ടെന്ന് തെരുവുനായ ശല്ല്യത്തിന് പരിഹാരം കാണണമെന്നാണ് നാട്ടുകാരുടെ ആവശ്യം.