കൂറ്റനാട്: അപകടങ്ങള്‍ പതിവായിട്ടും തൃത്താല മേഖലയിലെ പ്രധാന വാണിജ്യകേന്ദ്രങ്ങളായ കൂറ്റനാട് പടിഞ്ഞാറങ്ങാടി, തൃത്താല ടൗണുകളില്‍ അനധികൃത പാര്‍ക്കിങ്ങിനെതിരെ നടപടിയില്ല. കൂറ്റനാടുംപടിഞ്ഞാറങ്ങാടിയിലും അപകടങ്ങള്‍ നിത്യസംഭവങ്ങളാണ്. ഏറെ ജനത്തിരക്കേറിയ അങ്ങാടികളില്‍ റോഡിനു ഇരുവശങ്ങളിലും അശ്രദ്ധയായി വാഹനങ്ങള്‍ പാര്‍ക്കു ചെയ്യുന്നത് അപകടങ്ങള്‍ കൂട്ടുന്നു. അപകടങ്ങള്‍ പതിവായിട്ടും അനധികൃത പാര്‍ക്കിങ്ങിനെതിരെ നടപടിയെടുക്കാന്‍ ബന്ധപ്പെട്ട ഉദ്യോഗസ്ഥര്‍ തയ്യാറായിട്ടില്ല.റോഡ് കയ്യേറി സ്ഥാപിച്ച ബോര്‍ഡുകള്‍, ഫ്‌ലക്‌സുകള്‍ എന്നിവ നീക്കം ചെയ്താലുംവഴിയോര കച്ചവടക്കാരെ ഒഴിപ്പിച്ചാലും തിരക്കു ഒരു പരിതി വരെ ഒഴിവാക്കാനുംഅപകടങ്ങള്‍ ഒഴിവാക്കാനും സാധിക്കുമെന്ന് നാട്ടുകാര്‍ പറയുന്നു.