പള്ളിക്കല്‍: മൃഗസംരക്ഷണ വകുപ്പിന്റെ കീഴില്‍ പള്ളിക്കല്‍ എ.എം.യു.പി സ്‌കൂളിലെ വിദ്യാര്‍ഥികള്‍ക്ക് കോഴിക്കുഞ്ഞുങ്ങളെ വിതരണം ചെയ്തു.
സ്‌കൂളിലെ പൗള്‍ട്രി ക്ലബ് അംഗങ്ങളായ അന്‍പത് വിദ്യാര്‍ഥികള്‍ക്കാണ് അഞ്ച് കോഴിക്കുഞ്ഞുങ്ങളെ വീതം വിതരണം ചെയ്തത്. ഇതോടൊപ്പം കോഴിത്തീറ്റയും മരുന്നും വൈറ്റമിനും നല്‍കി. പള്ളിക്കല്‍ ഗ്രാമ പഞ്ചായത്ത് പ്രസിഡന്റ് പി മിഥുന ചടങ്ങ് ഉദ്ഘാടനം ചെയ്തു.
പഞ്ചായത്ത് വികസന സമിതി ചെയര്‍പേഴ്‌സണ്‍ വഹീദാ ബാനു അധ്യക്ഷയായി. വെറ്റിനറി ഡോ. ജെനീഷ വിദ്യാര്‍ഥികള്‍ക്കും രക്ഷിതാക്കള്‍ക്കും ക്ലാസെടുത്തു.
പഞ്ചായത്ത് വികസന സമിതി ചെയര്‍മാന്‍ എം അബദുല്‍ഖാദര്‍, സ്‌കൂള്‍ എ.എച്ച്.എം സി.കെ മുഹമ്മദലി, പൗള്‍ട്രി ക്ലബ് കണ്‍വീനര്‍ ഷാജി തോമസ്, കെ.പി അലി അസ്‌ക്കര്‍ തങ്ങള്‍ സംസാരിച്ചു