കോട്ടക്കല്‍: മണ്ഡലത്തിലെ സമ്പൂര്‍ണ വൈദ്യുതീകരണ പദ്ധതിയുടെ അവലോകന യോഗം പ്രൊഫ. ആബിദ് ഹുസൈന്‍ തങ്ങളുടെ നേതൃത്വത്തില്‍ നടന്നു. മണ്ഡലത്തിലെ തദ്ദേശ സ്വയംഭരണ സ്ഥാപനങ്ങളുടെ പദ്ധതി റിവേഴ്‌സ് ചെയ്യുന്ന സമയത്ത് സമ്പൂര്‍ വൈദ്യുതീകരണ പദ്ധതി പൂര്‍ത്തീകരണത്തിന് ആവശ്യമായ വിഹിതം ഉള്‍പ്പെടുത്താന്‍ യോഗത്തില്‍ ധാരണയായി.
യോഗത്തില്‍ എം.എല്‍.എ അധ്യക്ഷനായി. കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ്കുട്ടി, കോട്ടക്കല്‍ നഗരസഭാ ചെയര്‍മാന്‍ കെ.കെ നാസര്‍, എം. ഷാഹിന ടീച്ചര്‍, വി. മധുസൂദനന്‍, വസീമ വേളേരി, കെ. മൊയ്തീന്‍, ഉമ്മുകുല്‍സു സി.പി, അസിസ്റ്റന്റ് എക്‌സിക്യൂട്ടീവ് എന്‍ജിനിയര്‍ ഒ.പി വേലായുധന്‍, സബ് എന്‍ജിനിയര്‍ പി. പ്രശാന്ത് എന്നിവര്‍ പങ്കെടുത്തു.