ദോഹ: ഖത്തര്‍ മുന്‍ ഭരണാധികാരി ശൈഖ് ഖലീഫാ ബിന്‍ ഹമദ് അല്‍ത്താനിയുടെ നിര്യാണത്തില്‍ അനുശോചനമറിയിച്ചു  ലോക നേതാക്കളുടെ അനുശോചന പ്രവാഹം.
സഊദി രാജാവ് സല്‍മാന്‍ ബിന്‍ അബ്ദുല്‍ അസീസ്, ബഹ്‌റൈന്‍ രാജാവ് ഹമദ് ബിന്‍ ഈസാ അല്‍ ഖലീഫ, പാകിസ്താന്‍ പ്രസിഡന്റ് മംനൂന്‍ ഹുസൈന്‍ എന്നിവര്‍ അനുശോചനമറിയിക്കാനെത്തി. പ്രധാനമന്ത്രി ശൈഖ് അബ്ദുല്ലാ ബിന്‍ നാസര്‍ ബന്‍ ഖലീഫാ അല്‍ത്താനി ബഹ്‌റൈന്‍ അമീറിനെയും സാഘത്തെയും സ്വീകരിച്ചു.  
യു.എ.ഇ പ്രസിഡന്റ് ശൈഖ് ഖലീഫാ ബിന്‍ സാഇദും അനുശോചനമറിയിച്ചു. മൊറോക്കോ രാജാവ് മുഹമ്മദ് ആറാമന്‍, വെനിസ്വല പ്രസിഡന്റ് നിക്കോളോസ് മദുരോ എന്നിവര്‍ അനുശോചനമറിയിച്ചു. ഖത്തറിലെ സ്‌കൂളുകളില്‍ പതാക താഴ്ത്തിക്കെട്ടി. അസംബ്ലികളില്‍ മുന്‍ അമീറിനു വേണ്ടി പ്രത്യേക പ്രാര്‍ഥന നടന്നു.
ഖത്തര്‍ വികസനത്തിന്റെ ആദ്യ ശില്പിയാണ് നിര്യാതനായ മുന്‍ ഭരണാധികാരി ഷെയ്ക്ക് ഖലീഫാ ബിന്‍ ഹമദ് അല്‍ത്താനിയെന്നു ലോക പണ്ഡിതസഭാ അധ്യക്ഷന്‍ ഡോ. യൂസുഫ് ഖര്‍ദാവി അനുശോചന സന്ദേശത്തില്‍ അറിയിച്ചു.