എളവള്ളി: കൊയ്ത്ത് പാട്ടിന്റെ ഈരടിയില്‍ എളവള്ളിയില്‍ കരനെല്‍ വിളവെടുപ്പിന് തുടക്കമായി. എളവള്ളി പഞ്ചായത്തിലെ കോക്കൂര്‍ ആറാം വാര്‍ഡില്‍ ശ്രീപ്രഭ, പവിത്ര എന്ന രണ്ട് ജെ.എല്‍.ജെ കുടുബശ്രീ യൂണിറ്റുകള്‍ ഒരു ഏക്കറയില്‍ നടത്തിയ കരനെല്ലാണ് വിളവെടുത്തത്. വിപണിയില്‍ 200 രൂപ വിലവരുന്ന നവര വിത്താണ് കൃഷിക്കായ് ഉപയോഗിച്ചത്. പൂര്‍ണമായും ജൈവ കൃഷിരീതിയാണ് അവലംബിച്ചത്. എളവള്ളി ഗ്രാമപഞ്ചായത്ത് പ്രസിഡന്റ് ഇന്‍ചാര്‍ജ് ടി.സി മോഹനന്‍ ഒരു കറ്റ കൊയത് ഉദ്ഘാടനം ചെയ്തു. വാര്‍ഡ് മെമ്പര്‍ ടി.ഡി സുനില്‍ അധ്യക്ഷനായി. ടി.എസ് വേലായുധന്‍, കൃഷി ഓഫിസര്‍ ഇ.ബി ലുധീഷ് എന്നിവര്‍ സംസാരിച്ചു. കുംബശ്രീ യൂണിറ്റ് അംഗങ്ങളായ ഉഷാ രാധാകൃഷ്ണന്‍, രത്‌ന ശ്രീനിവാസന്‍, സുമതി ലക്ഷ്മണന്‍, അജിത അപ്പുട്ടന്‍, സിന്ദു രാജു, തിലോത്തമ എന്നിവര്‍ കൊയ്ത്തിന് നേതൃത്വം നല്‍കി.