മലപ്പുറം: സ്പിരിറ്റുമായി പോകുകയായിരുന്ന ലോറി കാറിലിടിച്ച് യു.ഡി.എഫ് സ്ഥാനാര്‍ഥിയടക്കം അഞ്ച് പേര്‍ക്ക് പരുക്ക്. കോഴിക്കോട് എലത്തൂര്‍ നിയോജക മണ്ഡലം ജെ.ഡി.യു സ്ഥാനാര്‍ഥി പി.കിഷന്‍ ചന്ദുള്‍പ്പടെ അഞ്ചുപേര്‍ക്കാണ് പരുക്കേറ്റത്. മലപ്പുറം പുത്തനത്താണി അതിരുമടയിലാണ് അപകടമുണ്ടായത്. കിഷന്‍ ചന്ദും കുടുംബവും കാറില്‍ ഗുരുവായൂര്‍ ക്ഷേത്രദര്‍ശനത്തിന് പോകുകയായിരുന്നു. കോലളമ്പ് നിന്ന് തൃശൂര്‍ പുല്‍ക്കാടിലേക്ക് സ്പിരിറ്റുമായി പോകുന്ന ലോറിയാണ് കാറിലിടിച്ചത്. പരുക്കേറ്റവരെ കോട്ടക്കല്‍ മിംസ് ആശുപത്രിയില്‍ പ്രവേശിപ്പിച്ചു