അരീക്കോട്: ദിശാബോര്‍ഡ് അപായ സൂചനയാകുന്നു. അരീക്കോട് മഞ്ചേരി റോഡില്‍ പുത്തലം അങ്ങാടിയിലാണ് കാല്‍നടയാത്രക്കാര്‍ക്ക് ഭീഷണിയായി സൂചനാ ബോര്‍ഡ് നിലകൊള്ളുന്നത്. വര്‍ഷങ്ങള്‍ക്ക് മുമ്പ് സ്ഥാപിച്ച ദിശാ ബോര്‍ഡാണ് തുരുമ്പെടുത്ത് ഏത് സമയവും വീഴാവുന്ന നിലയിലുള്ളത്.
ബോര്‍ഡിന്റെ രണ്ട് കാലുകളും തുരുമ്പെടുത്ത് നശിച്ചിട്ടുണ്ട്. കാലിക്കറ്റ് എയര്‍പോര്‍ട്ടിലേക്ക് വഴികാണിക്കുന്ന ഈ ബോര്‍ഡിലെ എഴുത്തുകള്‍ മാഞ്ഞ് തുടങ്ങിയതോടെ ദൂരെ നിന്ന് വരുന്ന യാത്രക്കാരും വഴിയറിയാതെ പ്രയാസപ്പെടുന്നുണ്ട്.