കോട്ടക്കല്‍: പത്തുവര്‍ഷമായി കുടിശ്ശികയായി കിടക്കുന്ന കര്‍ഷക പെന്‍ഷന്‍ ഉടന്‍ വിതരണം ചെയ്യണമെന്നും നാളികേര സംഭരണം പുരനരാരംഭിക്കണമെന്നും റേഷന്‍കാര്‍ഡിലെ അപാകതകള്‍ പരിഹരിക്കണമെന്നും സ്വതന്ത്രകര്‍ഷക സംഘം ജില്ലാ കമ്മിറ്റി സര്‍ക്കാരിനോട് ആവശ്യപ്പെട്ടു.  എട്ടിന് സെക്രട്ടേറിയേറ്റ് നടയില്‍ നടക്കുന്ന സമരത്തില്‍ ജില്ലയില്‍ നിന്നും 300 പേരെ പങ്കെടുപ്പിക്കും. പ്രചാരണ ഭാഗമായി മണ്ഡലം തലങ്ങളില്‍ യോഗം ചേരും.
സംസ്ഥാന സെക്രട്ടറി കെ.കെ നഹ വിഷയാവതരണം നടത്തി. ജില്ലാ പ്രസിഡന്റ് എ.കെ സൈതലവി ഹാജി അധ്യക്ഷനായി. സെക്രട്ടറി അബ്ദുറഹ്മാന്‍, ഇബ്രാഹീം മാസ്റ്റര്‍, മുഹമ്മദ് മുന്‍ഷി സംസാരിച്ചു.