നന്തിബസാര്‍: റേഷന്‍ കാര്‍ഡിലെ അപാകതകള്‍ പരിഹരിക്കണമെന്നാവശ്യപ്പെട്ട് പള്ളിക്കര മുസ്‌ലിം ലീഗ് കമ്മിറ്റി റേഷന്‍കടക്കു മുന്നില്‍ ധര്‍ണ നടത്തി. പഞ്ചായത്ത് ലീഗ് സെക്രട്ടറി പി.പി കുഞ്ഞമ്മദ് ഉദ്ഘാടനം ചെയ്തു. ടി.പി കുഞ്ഞിമൊയ്തീന്‍, പാലക്കോത്ത്  മുഹമ്മദ്, ഷമീല്‍ മസ്‌കന്‍, കാളംകുളം കുഞ്ഞിമൊയ്തീന്‍ സംസാരിച്ചു.
പേരാമ്പ്ര: കേരളത്തിലെ പൊതുവിതരണ സംവിധാനത്തെ തകര്‍ക്കുന്ന കേന്ദ്ര, സംസ്ഥാന സര്‍ക്കാര്‍ നടപടിയില്‍ പ്രതിഷേധിച്ച് ചെറുവണ്ണൂര്‍ മണ്ഡലം കോണ്‍ഗ്രസ്  കമ്മിറ്റി ചെറുവണ്ണൂരിലെ റേഷന്‍കടക്കു മുന്നില്‍ ധര്‍ണ നടത്തി. ഡി.സി.സി ജനറല്‍ സെക്രട്ടറി ഇ. അശോകന്‍ ഉദ്ഘാടനം ചെയതു. ടി.പി നാരായണന്‍ അധ്യക്ഷനായി. കായണ്ണയില്‍ മണ്ഡലം കോണ്‍ഗ്രസ് കമ്മിറ്റി സംഘടിപ്പിച്ച ധര്‍ണ നടുവണ്ണൂര്‍ ബ്ലോക്ക് കോണ്‍ഗ്രസ് പ്രസിഡന്റ് എം. ഋഷികേശന്‍ ഉദ്ഘാടനം ചെയ്തു. ഇ.എം രവീന്ദ്രന്‍ അധ്യക്ഷനായി.