കോഴിക്കോട്: വേള്‍ഡ് മലയാളി കൗണ്‍സില്‍ ഗ്ലോബല്‍ സമിതിയുടെയും കോണ്‍ഫഡറേഷന്‍ ഓഫ് ഓള്‍ ഇന്ത്യ റെയില്‍ യൂസേഴ്‌സ് അസോസിയേഷന്‍ ദേശീയ സമിതിയുടെയും സംയുക്താഭിമുഖ്യത്തില്‍  വിമാന-ട്രെയിന്‍ യാത്രക്കാര്‍ നേരിടുന്ന പ്രശ്‌നങ്ങളും പരിഹാരങ്ങളും എന്ന വിഷയത്തില്‍ സെമിനാര്‍ നടത്തി.
വേള്‍ഡ് മലയാളി കൗണ്‍സില്‍ ഗ്ലോബല്‍ പ്രസിഡന്റും കോണ്‍ഫഡറേഷന്‍ ഓഫ് ഇന്ത്യ റെയില്‍ യൂസേഴ്‌സ് അസോസിയേഷന്‍ ചെയര്‍മാനുമായ ഡോ. എ.വി അനൂപ് ഉദ്ഘാടനം ചെയ്തു. വര്‍ക്കിങ് ചെയര്‍മാന്‍ ഷെവ. സി.ഇ. ചാക്കുണ്ണി വിഷയമവതരിപ്പിച്ചു.
ട്രെയിന്‍ യാത്രക്കാര്‍ക്ക് മെച്ചപ്പെട്ട സൗകര്യമൊരുക്കാന്‍ റെയില്‍വേ അധികൃതരുമായി സഹകരിച്ചു പ്രവര്‍ത്തിക്കാനും യാത്രക്കാരെ ബോധവല്‍ക്കരിക്കാനും യോഗം തീരുമാനിച്ചു.
കോഴിക്കോട് ദേവിഗിരി റെയില്‍വേ റിസര്‍വേഷന്‍ ടിക്കറ്റ് ബുക്കിങ് കാത്തിരിപ്പു കേന്ദ്രത്തില്‍ റെയില്‍വേയുടെ അനുമതിയോടെ ഇരിപ്പിടങ്ങള്‍ നിര്‍മിച്ചു നല്‍കാനും തീരുമാനിച്ചു.
അഡ്വ. എം.കെ അയ്യപ്പന്‍ മോഡറേറ്ററായി. പി. വിജയന്‍, പ്രിന്‍സണ്‍ ജോസ്, റെജി എബ്രഹാം, എം.പി പുരുഷോത്തമന്‍, ടി.പി ഇമ്പിച്ചഹമ്മദ്, എം.എ സലീം, ടി.വി വിജയകുമാര്‍, ബാബു മാനുവല്‍, കെ.വി.വി മോഹന്‍, എം നന്ദഗോവിന്ദ് സംബന്ധിച്ചു.