അത്താണിക്കല്‍: 2016-17 വര്‍ഷത്തെ ചേവായൂര്‍ ഉപജില്ലാ കലോത്സവം എല്‍.പി വിഭാഗം നവംബര്‍ 16ന് പാലത്ത് ജനത യു.പി സ്‌കൂളിലും, യു.പി ഹൈസ്‌കൂള്‍, ഹയര്‍ സെക്കന്‍ഡറി വിഭാഗം 17, 18, 19 തിയതികളില്‍ ഗാഡിയന്‍സ് യു.പി, ജി.എല്‍.പി പുതിയങ്ങാടി എന്നീ സ്‌കൂളുകളില്‍ നടക്കും.
മേളയുടെ നടത്തിപ്പിന് സ്വാഗതസംഘം രൂപീകരിച്ചു. കോഴിക്കോട് കോര്‍പറേഷന്‍ ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാന്‍ കെ.വി ബാബുരാജ് (ചെയ), ഗാഡിയന്‍സ് സ്‌കൂള്‍ ട്രസ്റ്റ് സെക്രട്ടറി രജിത്ത് രാജ് അമ്പലത്തുകുളങ്ങര (കണ്‍), എ.ഇ.ഒ.കെ റെജീന (ട്രഷ) എന്നിവര്‍ ഭാരവാഹികളാണ്. വിവിധ സബ് കമ്മിറ്റികളും രൂപീകരിച്ചു.
സ്വാഗതസംഘ രൂപീകരണ യോഗം എ.ഇ.ഒ.കെ റെജീന ഉദ്ഘാടനം ചെയ്തു. കെ.വി ബാബുരാജ് അധ്യക്ഷനായി. ഹെഡ്മാസ്റ്റര്‍ ഫോറം കണ്‍വീനര്‍ അബ്ദുല്‍ സലാം മാസ്റ്റര്‍ പരിപാടികള്‍ വിശദീകരിച്ചു.
ഫെസ്റ്റിവല്‍ കമ്മിറ്റി കണ്‍വീനര്‍ കബീര്‍ മാസ്റ്റര്‍, കൗണ്‍സിലര്‍മാരായ റഫീഖ്, ആശ ശശാങ്കന്‍, ബീന രാജന്‍, ശ്രീജ, ഗാഡിയന്‍സ് സ്‌കൂള്‍ ഹെഡ്മിസ്ട്രസ് വസന്ത, ഹെഡ്മിസ്ട്രസ്  ഇന്‍ ചാര്‍ജ് പ്രസീന വിനോദ് സംസാരിച്ചു.