ചെറുവത്തൂര്‍: ന്യൂനപക്ഷ പ്രീമെട്രിക് സ്‌കോളര്‍ഷിപ്പ് ഓണ്‍ലൈന്‍ അപേക്ഷകള്‍ സ്‌കൂള്‍തല പരിശോധനയ്ക്ക് വിധേയമാക്കണമെന്ന് അധികൃതര്‍ അറിയിച്ചു.
കുട്ടികള്‍ക്ക് നേരത്തേ സ്‌കോളര്‍ഷിപ്പ് കിട്ടിയിട്ടുണ്ടോ ഇല്ലയോ എന്ന വിവരങ്ങളാണ് സ്‌കൂള്‍ അധികൃതര്‍ പരിശോധിക്കേണ്ടത്. ഓണ്‍ലൈന്‍ അപേക്ഷാ സമര്‍പ്പണം പൂര്‍ത്തിയാകുന്ന മുറയ്ക്ക് സ്‌കൂള്‍ അധികൃതര്‍ക്ക് സ്‌കൂള്‍തല പരിശോധന പൂര്‍ത്തിയാക്കാം.
സ്‌കൂള്‍ അധികൃതര്‍ യഥാസമയം പരിശോധന നടത്തിയില്ലെങ്കില്‍ കുട്ടികള്‍ക്ക് സ്‌കോളര്‍ഷിപ്പ് ലഭിക്കാത്ത സാഹചര്യമുണ്ടാകും. കഴിഞ്ഞവര്‍ഷം സ്‌കോളര്‍ഷിപ്പ് ലഭിച്ച കുട്ടികള്‍ അപേക്ഷ സമര്‍പ്പിക്കാന്‍ ബാക്കിയുണ്ടെങ്കില്‍ ഓണ്‍ലൈനില്‍ അപേക്ഷ പുതുക്കുന്നതിനുള്ള നിര്‍ദേശം പ്രധാനാധ്യാപകര്‍ അടിയന്തരമായി നല്‍കണം. കൂടുതല്‍ വിവരങ്ങള്‍ 04712580583, 04712328438,9447990477 എന്നീ നമ്പറുകളില്‍ നിന്ന് ലഭിക്കും. ഈ മാസം 31 ആണ് അപേക്ഷ സമര്‍പ്പിക്കാനുള്ള അവസാന തീയതി.