പൂച്ചാക്കല്‍: തേജസ് കൃഷ്ണയെ അനുമോദിച്ചു. മഹാത്മാഗാന്ധി എഡ്യുക്കേഷന്‍ ട്രസ്റ്റ് സംസ്ഥാന തലത്തില്‍ നഴ്‌സറി സ്‌കൂള്‍ വിദ്യാര്‍ത്ഥികള്‍ക്കായി നടത്തിയ വര്‍ണ്ണജാലകം കളറിംഗ് മല്‍സരത്തില്‍  ഒന്നാം സമ്മാനം നേടിയ ശ്രീകണ്‌ഠേശ്വരം എസ്.എന്‍.ഡി.എസ്.വൈ. നഴ്‌സറി സ്‌കൂളിലെ വിദ്യാര്‍ത്ഥി തേജസ് കൃഷ്ണയെയാണ് സ്‌കൂള്‍ അധികൃതരും അദ്ധ്യാപക രക്ഷകര്‍തൃ സമിതിയും ചേര്‍ന്ന് അനുമോദിച്ചത്.
രാജാ രവിവര്‍മ്മയുടെ പേരിലുള്ള സ്വര്‍ണ്ണ മെഡലും  മൂവായിരം രൂപയുമാണ്  സമ്മാനമായി ലഭിച്ചത്. സ്‌കൂള്‍ മാനേജര്‍ എസ്.രാജേഷ് സമ്മേളനം ഉദ്ഘാടനവും സമ്മാനം വിതരണം ചെയ്യുകയും ചെയ്തു.  പി.ടി.എ പ്രസിഡന്റ് ഷൈന്‍ അദ്ധ്യക്ഷതവഹിച്ചു.  എ.സൈജു, ജെ.ഷേര്‍ളി, ജയശ്രീ, രേഖ, കാഞ്ചന, സന്ധ്യ, സിന്ധു എന്നിവര്‍ സംസാരിച്ചു.