തിരുവനന്തപുരം: നിയമസഭാംഗത്വത്തിന്റെ കരുത്ത് എന്തെന്നു തെളിയിച്ച ടി.എം. ജേക്കബ് നിയമനിര്‍മാണരംഗത്തെ അതുല്യ പ്രതിഭയായിരുന്നുവെന്ന് കെ.പി.സി.സി പ്രസിഡന്റ് വി.എം.സുധീരന്‍.
ടി.എം ജേക്കബിന്റെ അഞ്ചാം ചരമവാര്‍ഷികദിനത്തോടനുബന്ധിച്ചു തിരുവനന്തപുരം പ്രസ്‌ക്ലബില്‍ നടന്ന അനുസ്മരണയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പ്രീഡിഗ്രി ബോര്‍ഡ് കേരള നിയമസഭയെ ഇളക്കിമറിച്ച കാലത്തു അദ്ദേഹത്തിന്റെ വാക്കുകളുടെ കരുത്ത് എതിരാളികളെ നിഷ്പ്രഭമാക്കിയെന്നും അദ്ദേഹം പറഞ്ഞു.
ടി.എം. ജേക്കബ് മെമ്മോറിയല്‍ ട്രസ്റ്റ് സംഘടിപ്പിച്ച പരിപാടിയില്‍ മാനേജിങ് ട്രസ്റ്റി ഡെയ്‌സി ജേക്കബ് അധ്യക്ഷയായി. സണ്ണിക്കുട്ടി എബ്രഹാം ആമുഖപ്രഭാഷണവും
കേരളാ കോണ്‍ഗ്രസ്സ് (ജേക്കബ് ) ചെയര്‍മാന്‍ ജോണി നെല്ലൂര്‍ മുഖ്യപ്രഭാഷണവും നടത്തി. കെ.വി. തോമസ് എം.പി, അനൂപ് ജേക്കബ് എം.എല്‍.എ, അമ്പിളി ജേക്കബ് എന്നിവര്‍ പ്രസം
ഗിച്ചു.