ഈരാറ്റുപേട്ട: ഈ വര്‍ഷത്തെ ഈരാറ്റുപേട്ട  വിദ്യാഭ്യാസ ഉപജില്ലാ ശാസ്‌ത്രോത്സവം ഒന്ന്,രണ്ട് തീയതികളില്‍  മുസ്‌ലിം ഗേള്‍സ് ഹയര്‍ സെക്കന്‍ഡറി സ്‌കൂളില്‍ വച്ച് നടക്കും. എല്‍.പി മുതല്‍ പ്ലസ്ടു വരെയുള്ള രണ്ടായിരത്തിലേറെ വിദ്യാഥി പ്രതിഭകള്‍ വിവിധ ഇനങ്ങളിലായുള്ള മത്സരങ്ങളില്‍ പങ്കെടുക്കും. മേളയുടെ നടത്തിപ്പിനായി 101 അംഗ സ്വാഗത സംഘം രുപവത്ക്കരിച്ചു. യോഗത്തില്‍ സ്‌കൂല്‍ മാനേജര്‍ പ്രൊ. എം.കെ ഫരീദ് അധ്യക്ഷത വഹിച്ചു. മുനിസിപ്പല്‍ വൈസ് ചെയര്‍ പേര്‍സണ്‍ കുഞ്ഞുമോള്‍ സിയാദ്, ജനറല്‍ കണ്‍വീനര്‍ ആര്‍ ഗീത, പി.റ്റി.എ പ്രസിഡന്റ്  ഷൈല സലീം, മുനിസിപ്പല്‍ കൗണ്‍സിലര്‍ ബല്‍ക്കീസ് നവാസ്, സ്‌കൂള്‍ പ്രിന്‍സിപ്പല്‍ റ്റി.ജി രമണി, എം.എഫ് അബ്ദുല്‍ ഖാദര്‍ എന്നിവര്‍ സംസാരിച്ചു.