പൊന്നാനി: കളഞ്ഞുകിട്ടിയ രണ്ട് എ.ടി.എം കാര്‍ഡുകളും പണമടങ്ങിയ പേഴ്‌സും തിരിച്ചുനല്‍കി യുവതി മാതൃകയായി. 4,500 രൂപയും രണ്ട് എ.ടി.എം കാര്‍ഡുകളുമടങ്ങിയ പേഴ്‌സാണ്  പൊന്നാനി ഇന്‍സ്‌പെക്ടറുടെ സാന്നിധ്യത്തില്‍ ഉടമസ്ഥനു തിരിച്ചേല്‍പ്പിച്ചത്.
കാഞ്ഞിരമുക്ക് സ്വദേശി തെക്കേപുരക്കല്‍ മഞ്ജുവാണ് കളഞ്ഞുകിട്ടിയ പേഴ്‌സ് പൊന്നാനി പൊലിസിനെ ഏല്‍പ്പിച്ചു മാതൃകയായത്. തുടര്‍ന്നു പൊലിസ് ഉടമസ്ഥനെ വിളിച്ചുവരുത്തി പൊന്നാനി പൊലിസ് ഇന്‍സ്‌പെക്ടറുടെ സാന്നിധ്യത്തില്‍ യുവതി പണവും രേഖകളുമടങ്ങിയ പേഴ്‌സ് ഉടമസ്ഥനു തിരിച്ചേല്‍പ്പിച്ചു.