വള്ളിക്കുന്ന്: പഞ്ചായത്തിലെ ശാസ്താസ് സ്‌കൂളില്‍ സര്‍ക്കാര്‍ ഫണ്ടുപയോഗിച്ചു നിര്‍മിച്ച കെട്ടിടത്തിന്റെ ഉദ്ഘാടനം പഞ്ചായത്തിനേയൊ വാര്‍ഡിലെ ജനപ്രതിനിധികളേയൊ അറിയിക്കാത്തതിലും ഒരു രാഷ്ട്രീയ പാര്‍ട്ടിയുടെ കീഴില്‍ പ്രവര്‍ത്തിക്കുന്ന ക്ലബുമായി ചേര്‍ന്നു സ്‌കൂളില്‍ പുസ്തകപൂജ നടത്തിയതിലും സ്‌കൂള്‍ മേനേജ്‌മെന്റിനെതിരേ പഞ്ചായത്ത് ഭരണസമിതി യോഗം പ്രതിഷേധിച്ചു.
വിഷയത്തില്‍ നടപടി സ്വീകരിക്കണമെന്നാവശ്യപ്പെട്ട് പഞ്ചായത്ത് ഭരണസമിതി യോഗത്തില്‍ മെമ്പര്‍മാരായ പട്ടയില്‍ ബാബു രാജനും എ.കെ ഷൈമലതയും കൊണ്ടുവന്ന അടിയന്തിരപ്രമേയം പാസാക്കി.
പ്രശ്‌നം ചര്‍ച്ച ചെയ്യാന്‍ പി.ടി.എ കമ്മറ്റി, മാനേജ്‌മെന്റ്, സ്‌കൂള്‍ സ്റ്റാഫ്, ജനപ്രതിനിധികള്‍ എന്നിവരുടെ യോഗം വിളിക്കാന്‍ വിദ്യാഭ്യാസ സ്റ്റാന്‍ഡിങ് കമ്മറ്റി ചെയര്‍മാനെ ചുമതലപ്പെടുത്തി.