വെട്ടത്തൂര്‍: റെയ്ഞ്ച് ജംഇയ്യത്തുല്‍ മുഅല്ലിമീന്‍, മദ്‌റസാ മാനേജ്‌മെന്റ് അസോസിയേഷന്‍, എസ്.വൈ.എസ്, എസ്.കെ.എസ്.എസ്.എഫ്, എം.എസ്.എഫ് വെട്ടത്തൂര്‍ പഞ്ചായത്ത് കമ്മിറ്റികളുടെ സംയുക്താഭിമുഖ്യത്തില്‍ ചേര്‍ന്ന പ്രവര്‍ത്തകസമിതി കണ്‍വെന്‍ഷനില്‍ നാലിന് മലപ്പുറത്ത് നടക്കുന്ന ശരീഅത്ത് റാലി വിജയിപ്പിക്കാനും റാലിയില്‍ പരമാവധി പ്രവര്‍ത്തകരെ പങ്കെടുപ്പിക്കുവാനും തീരുമാനിച്ചു. പി ശംസുദ്ദീന്‍ ഫൈസി വെട്ടത്തൂര്‍ ഉദ്ഘാടനം ചെയ്തു. എ അബ്ദു മുസ്‌ലിയാര്‍ മേല്‍ക്കുളങ്ങര അധ്യക്ഷനായി. എന്‍ അബ്ദുല്ല ഫൈസി, കെ.കെ അന്‍വര്‍ മാസ്റ്റര്‍, പി.സി മുസ്തഫ ഹാജി, പി.കെ മുഹമ്മദാലി, എം സൈതലവി മാസ്റ്റര്‍ സംസാരിച്ചു.