മരട്: നഗരസഭയുടെ ആഭിമുഖ്യത്തില്‍ നടത്തിയ വിദ്യാഭ്യാസ അവാര്‍ഡ് ദാന സമ്മേളനം പ്രൊഫ. കെ.വി തോമസ് എം.പി ഉദ്ഘാടനംചെയ്തു. നഗരസഭ ചെയര്‍പേഴ്‌സണ്‍ ദിവ്യ അനില്‍കുമാര്‍ അധ്യക്ഷയായി. എസ്.എസ്.എല്‍.സി, പ്ലസ് ടു പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടിയ വിദ്യാര്‍ഥികളെ അനുമോദിച്ചു.
പ്ലസ് ടു പരീക്ഷയില്‍ എ പ്ലസ് നേടിയവര്‍ക്ക് ജോണ്‍ ഫെര്‍ണാണ്ടസ് എം.എല്‍.എ ലാപ്‌ടോപ്പും എസ്.എസ്.എല്‍.സി പരീക്ഷയില്‍ ഉന്നത വിജയം നേടിയവര്‍ക്ക് എം. സ്വരാജ് എം.എല്‍.എ സൈക്കിളും വിതരണം ചെയ്തു.
വൈസ് ചെയര്‍മാന്‍ ആന്റണി ആശാം പറമ്പില്‍, സ്ഥിരം സമിതി അധ്യക്ഷന്‍ മാരായ പി.ജെ. ജോണ്‍സണ്‍, സുരേഷ് ബാബു, ദിഷ പ്രതാപന്‍, സുജാത ശിശുപാലന്‍, കൗണ്‍സിലര്‍ അജിത നന്ദകുമാര്‍, എന്നിവര്‍ വിവിധ അവാര്‍ഡുകള്‍ വിതരണം ചെയ്തു. വിദ്യാഭ്യാസ കാര്യ സ്ഥിരം സമിതി ചെയര്‍പേഴ്‌സണ്‍ ജമീല മുഹമ്മദ് സ്വാഗതവും സെക്രട്ടറി ബി.അനില്‍കുമാര്‍ നന്ദിയും പറഞ്ഞു.