തെങ്കര: തെരുവ് നായയുടെ ആക്രമത്തില്‍ പത്തോളം പേര്‍ക്ക് പരുക്കേറ്റു. തെങ്കര കുന്നുമ്മല്‍, കൈനിക്കോട്, ഭാഗങ്ങളിലാണ് ഇന്നലെ രാവിലെ പത്തുമണിയോടെ തെരുവുനായ ഭീകരതാണ്ഡവമാടിയത്.
പ്രദേശവാസികളായ ജാനകി (85), ഖദീജ (80), കൃഷ്ണന്‍ (65), ഖദീജ (43), ആദിത്യകൃഷ്ണന്‍ (8), മുഹമ്മദ് മിഷാദ് (7), അനന്തകൃഷ്ണന്‍ (8), അഭിജിത് (5) തുടങ്ങിയവര്‍ക്കാണ് പരുക്കേറ്റത്. ഇവര്‍ക്ക് മണ്ണാര്‍ക്കാട് താലൂക്ക് ആശുപത്രിയില്‍ ചികിത്സ നല്‍കി. പിന്നീട് പാലക്കാട് ജില്ലാ ആശുപത്രിയിലേക്ക് കൊണ്ടുപോയി.