സ്‌കൂളുകളെ കൂട്ടിയിണക്കി സ്‌കൂള്‍ വിക്കി

backup

October 31 2016 | 02:10 AM

%e0%b4%b8%e0%b5%8d%e2%80%8c%e0%b4%95%e0%b5%82%e0%b4%b3%e0%b5%81%e0%b4%95%e0%b4%b3%e0%b5%86-%e0%b4%95%e0%b5%82%e0%b4%9f%e0%b5%8d%e0%b4%9f%e0%b4%bf%e0%b4%af%e0%b4%bf%e0%b4%a3%e0%b4%95%e0%b5%8d%e0%b4%95

തിരുവനന്തപുരം:ഐ.ടി അറ്റ് സ്‌കൂള്‍ പ്രോജക്ട് തയാറാക്കുന്ന മുഴുവന്‍ സ്‌കൂളുകളേയും കൂട്ടിയിണക്കിയുള്ള വിക്കിപീഡിയ-സ്‌കൂള്‍ വിക്കി പദ്ധതി നാളെ മുതല്‍ ആരംഭിക്കും. അധ്യാപകരുടെയും വിദ്യാര്‍ഥികളുടെയും പൂര്‍വ വിദ്യാര്‍ഥികളുടെയും പങ്കാളിത്തത്തോടെയുള്ള ഉള്ളടക്ക ശേഖരമാണു പൂര്‍ണമായും മലയാളത്തില്‍ തയാറാക്കിയ സ്‌കൂള്‍ വിക്കിയുടെ സവിശേഷത.
സ്‌കൂളുകള്‍ക്ക് അടിസ്ഥാനവിവരങ്ങളും ചരിത്രവും സ്‌കൂള്‍ വിക്കിയില്‍ ഉള്‍പ്പെടുത്താം. പ്രമുഖരായ പൂര്‍വവിദ്യാര്‍ഥികള്‍, സ്‌കൂള്‍ മാപ്പ്, സ്‌കൂള്‍ വെബ്‌സൈറ്റ്, ബ്ലോഗുകള്‍ തുടങ്ങിയ വിവരങ്ങളും ചിത്രങ്ങളും വീഡിയോകളുമെല്ലാം വിക്കിയില്‍ നല്‍കാം. ഇതിന്റെ ഫലമായി എല്ലാ സ്‌കൂളുകളുടെയും കൃത്യമായ ഭൂപടം സ്വതന്ത്ര പ്ലാറ്റ്‌ഫോം ആയ ഓപ്പണ്‍ സ്ട്രീറ്റ് മാപ്പില്‍ ലഭ്യമാകും. 2009 ലെ കേരളപ്പിറവി ദിനത്തില്‍ തുടക്കം കുറിച്ച സ്‌കൂള്‍ വിക്കി മലയാളം വിക്കിപീഡിയാ പ്രവര്‍ത്തകരുടെ സഹകരണത്തോടെയാണ് പരിഷ്‌കരിച്ചത്.
വിക്കിമീഡിയ ഫൗണ്ടേഷന്‍ തയാറാക്കിയ വിക്കിമീഡിയ സോഫ്റ്റ്‌വെയര്‍ ഉപയോഗിച്ചാണ് സ്‌കൂള്‍ വിക്കി തയാറാക്കിയത്. വിക്കി എഡിറ്റര്‍, സ്‌കൂള്‍ മാപ്പിങ്, ഇംഗ്ലിഷിലും മലയാളത്തിലുമുള്ള തിരച്ചില്‍ എന്നീ സൗകര്യങ്ങളും പുതുതായി ഉള്‍പ്പെടുത്തിയിട്ടുണ്ട്. അധ്യാപകര്‍ക്കും വിദ്യാര്‍ഥികള്‍ക്കും പ്രത്യേക പരിശീലനം നല്‍കാനും തിരുത്തലുകള്‍ നിരീക്ഷിക്കാനും ആവശ്യമായ പിന്തുണ നല്‍കാനുമായി വിദ്യാഭ്യാസ ജില്ല തിരിച്ച് അഡ്മിനുകളുടെ സേവനം ലഭ്യമാക്കും.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."