പട്ടിക്കാട്: മേലാറ്റൂര്‍ ഉപജില്ലാ ശാസ്‌ത്രോത്സവത്തിന് പട്ടിക്കാട് ഗവ.ഹയര്‍സെക്കന്‍ഡറി സ്‌കൂളില്‍ തുടക്കമായി. ഐടി മേളയില്‍ ഹയര്‍സെക്കന്‍ഡറി വിഭാഗത്തിലും ഹൈസ്‌കൂള്‍ വിഭാഗത്തിലും എ.എസ്.എം.എച്ച്.എസ്.എസ് വെള്ളിയഞ്ചേരി ചാംപ്യന്മാരായി. ഹയര്‍സെക്കന്‍ഡറി വിഭാഗത്തില്‍ മേലാറ്റൂര്‍ ആര്‍.എം.എച്ച്.എസ്.എസ് രണ്ടാംസ്ഥാനവും ജി.എച്ച്.എച്ച്.എസ്.എസ് വെട്ടത്തൂര്‍ മൂന്നാംസ്ഥാനവും കരസ്ഥമാക്കി.
ഹൈസ്‌കൂള്‍ വിഭാഗത്തില്‍ ജി.എച്ച്.എസ്.എസ് പട്ടിക്കാടും ജി.എച്ച്.എസ്.എസ് വെട്ടത്തൂരും തുല്യപോയിന്റ് നേടി രണ്ടാംസ്ഥാനത്തെത്തി. ഐ.സി.എച്ച്.എസ് ശാന്തപുരത്തിനാണ് മൂന്നാം സ്ഥാനം.
യു.പി വിഭാഗത്തില്‍ പി.ടി.എം.യു.പി.എസ് മുള്ള്യാകുര്‍ശ്ശി, കെ.എ.യു.പി.എസ് തച്ചിങ്ങനാടം, ഡി.എന്‍.എം.എ.യു.പി.എസ് എടയാറ്റൂര്‍ എന്നിവ യഥാക്രമം ആദ്യ മൂന്ന് സ്ഥാനങ്ങള്‍ കരസ്ഥമാക്കി.