പുത്തനത്താണി: കല്‍പകഞ്ചേരി, വളവന്നൂര്‍ പഞ്ചായത്തുകളിലെ മുഴുവന്‍ ജനങ്ങളെയും തീവ്ര രോഗീപരിചരണത്തെക്കുറിച്ചു ബോധവാന്‍മാരാക്കുന്നതിനും അടിയന്തിര ശുശ്രൂഷ, ബി.എല്‍.എസ് പരിശീലനം എന്നിവയില്‍ വളന്റിയര്‍മാരെ പരിശീലിപ്പിക്കുന്നതിനും വേണ്ടി കല്‍പകഞ്ചേരി മലബാര്‍ സ്‌പോര്‍ട്‌സ് അക്കാദമിയുടെയും എയ്ഞ്ചല്‍ ഇന്റര്‍ നാഷണിലിന്റെയും ആഭിമുഖ്യത്തില്‍ നടന്ന പുനരുജ്ജീവനം പരിശീലന പരിപാടി നടന്നു.
കല്‍പകഞ്ചേരി ഗ്രാമപഞ്ചായത്ത് പ്രസിഡന്റ് എന്‍. കുഞ്ഞാപ്പു ഉദ്ഘാടനം ചെയ്തു. സി.പി രാധാകൃഷ്ണന്‍ അധ്യക്ഷനായി, വൈസ് പ്രസിഡന്റ് സി.പി ജുബൈരിയ, അസി.പൊലിസ് കമ്മീഷണര്‍ അബ്ദു റഷീദ്, തെയ്യമ്പാട്ടില്‍ ഷറഫുദ്ദീന്‍, പി.സി കബീര്‍ ബാബു, എ.വി നൗഷാദ്, വി.ടി.എ ലത്തീഫ്, സുബൈര്‍ കല്ലന്‍ സംസാരിച്ചു. ഡോ.യാസിര്‍ ചോമയില്‍ ബോധവത്കരണ ക്ലാസ് നടത്തി, നിമേഷ്, ഉസ്മാന്‍, മയ്യേരി സലീം, പി. ലത്തീഫ് നേതൃത്വം നല്‍കി.