കൂത്തുപറമ്പ്: ആമ്പിലാട് സി.പി.എം അനുഭാവിയുടെ വീടിനു നേരെ ബോംബേറ്. ആമ്പിലാട് കനാല്‍ക്കരയിലെ കോങ്ങാട്ട് രാഘവന്റെ വീടിനുനേരേയാണ് ഇന്നലെ പുലര്‍ച്ചെ ഒന്നോടെ ബോംബേറുണ്ടായത്. അക്രമത്തില്‍ വീടിന്റെ ജനല്‍ ചില്ലുകളും ഫര്‍ണിച്ചറുകളും വാതിലും തകര്‍ന്നു. സംഭവസമയം രാഘവനും കുടുംബാംഗങ്ങളും വീട്ടില്‍ ഉണ്ടായിരുന്നെങ്കിലും പരുക്കേല്‍ക്കാതെ രക്ഷപ്പെട്ടു. സി.ഐ കെ.പി സുരേഷ് ബാബു, എസ്.ഐ കെ.ജെ വിനോയി എന്നിവരുടെ നേതൃത്വത്തില്‍ പൊലിസ് സ്ഥലത്തെത്തി അന്വേഷണം നടത്തി. സി.പി.എം ജില്ലാസെക്രട്ടറി പി ജയരാജന്‍, എം സുരേന്ദ്രന്‍, കെ ധനഞ്ജയന്‍, പി.എം മധുസൂദനന്‍ എന്നിവരും സ്ഥലത്തെത്തി.