കോഴിക്കോട്: ഭക്ഷ്യധാന്യം കയറ്റുമതി ചെയ്യുന്ന രാജ്യമാക്കി ഇന്ത്യയെ മാറ്റിയെടുക്കുന്നതിനായി കാര്‍ഷിക വിപ്ലവമൊരുക്കിയ പ്രധാനമന്ത്രിയായിരുന്നു ഇന്ദിരാഗാന്ധിയെന്ന് എം.കെ രാഘവന്‍ എം.പി. കടപ്പുറം രക്തസ ാക്ഷി മണ്ഡപത്തില്‍ ഫോറസ്ട്രി ബോര്‍ഡ് സംഘടിപ്പിച്ച അനുസ്മരണസംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഇന്ദിരാഗാന്ധി തുടങ്ങിവച്ച കാര്യങ്ങള്‍ യാഥാര്‍ഥ്യമാക്കാനുള്ള പോരാട്ടം ഇന്ത്യയിലെ ജനങ്ങള്‍ ഏറ്റെടുക്കണം. അനുസ്മരണത്തോടനുബന്ധിച്ച് ഇന്ദിരാഗാന്ധിയുടെ ഛായാപടത്തില്‍ ഹാരാര്‍പ്പണവും പുഷ്പാര്‍ച്ചനയും നടത്തി. ഫോറസ്ട്രി ബോര്‍ഡ് ചെയര്‍മാന്‍ അഡ്വ. എം. രാജന്‍ അധ്യക്ഷനായി. ടി. സിദ്ദിഖ് മുഖ്യപ്രഭാഷണം നടത്തി. ഡോ. കെ. മൊയ്തു, ഡോ. പി.കെ ചാക്കോ, വി.സി സേതുമാധവന്‍, ബാബു കിണാശ്ശേരി, ഇ.വി ഉസ്മാന്‍കോയ, എം.ടി സേതുമാധവന്‍ സംസാരിച്ചു.