മലപ്പുറം: മലയാള ദിനത്തോടനുബന്ധിച്ച് ഇന്നു ജില്ലാ കലക്ടര്‍ എ. ഷൈനാമോളുടെ നേതൃത്വത്തില്‍ കലക്ടറേറ്റില്‍ ഉദ്യോഗസ്ഥര്‍ ഭരണഭാഷാ പ്രതിജ്ഞയെടുക്കും. രാവിലെ 11നു കലക്ടറേറ്റ് സമ്മേളന ഹാളില്‍ നടക്കുന്ന പരിപാടിയില്‍ ഉദ്യോഗസ്ഥര്‍ കേരളീയ രീതിയിലുള്ള വസ്ത്രം ധരിച്ചെത്തണമെന്ന് കലക്ടര്‍ അറിയിച്ചു. കഥാ, സാഹിത്യ മേഖലയില്‍ മികവുപുലര്‍ത്തിയ ഷബ്‌ന പൊന്നാടിനെ ആദരിക്കും. ഭരണഭാഷാ യോഗവും ഇതോടനുബന്ധിച്ചു ചേരും.