കണ്ണൂര്‍: സ്റ്റുഡന്റ് പാലിയേറ്റിവ് കെയറിന്റെ ജില്ലാതല ഉദ്ഘാടനം സി.പി.എം ജില്ലാ സെക്രട്ടറി പി ജയരാജന്‍ നിര്‍വഹിച്ചു. ആറളത്തെ ആദിവാസി വിദ്യാര്‍ഥികളുടെ പഠനചെലവിലേക്ക് എസ്.എഫ്.ഐ ജില്ലാകമ്മിറ്റി സമാഹരിച്ച സഹായനിധി ഐ.ആര്‍.പി.സിക്കു വേണ്ടി എസ്.എഫ്.ഐ ജില്ലാ സെക്രട്ടറി മുഹമ്മദ് അഫ്‌സലില്‍ നിന്നു പി ജയരാജന്‍ ഏറ്റുവാങ്ങി.
ജില്ലാ പ്രസിഡന്റ് മുഹമ്മദ് സിറാജ് അധ്യക്ഷനായി. മുന്‍ ജില്ലാ പഞ്ചായത്ത് പ്രസിഡന്റ് കെ.എ സരള, ഡോ. ലതീഷ്, കെ മായ, സുരേഷ് ബാബു, പി.എം സാജിദ്, മുഹമ്മദ് അഷ്‌റഫ്, എ.പി അന്‍വീര്‍, മുഹമ്മദ് അഫ്‌സല്‍ സംസാരിച്ചു.
റാന്‍ഡോള്‍ഫ് വിന്‍സെന്റ് ക്ലാസെടുത്തു. സ്റ്റുഡന്റ് പാലിയേറ്റിവ് കെയര്‍ യൂനിറ്റ് ചെയര്‍മാനായി എ.പി അന്‍വീറിനെയും കണ്‍വീനറായി ശില്‍പയെയും തെരഞ്ഞെടുത്തു.