പെരിങ്ങത്തൂര്‍: കല്ലും കുഴിയും നിറഞ്ഞു യാത്ര ദുസഹമായ പെരിങ്ങത്തൂര്‍ മാര്‍ക്കറ്റ് റോഡിന്റെ ശോചനീയാവസ്ഥ പരിഹരിക്കണമെന്നാവശ്യപ്പെട്ടും മാര്‍ക്കറ്റ് റോഡില്‍ നിന്നു പുല്ലൂക്കര റോഡിലേക്കുള്ള നിര്‍ദ്ദിഷ്ട അണ്ടര്‍ പാസേജ് യാഥാര്‍ഥ്യമാക്കണമെന്നുമാവശ്യപ്പെട്ട് പെരിങ്ങത്തൂര്‍ യൂനിറ്റ് വ്യാപാരി വ്യവസായി ഏകോപന സമിതി സായാഹ്ന ധര്‍ണ നടത്തി. മേഖലാ ജനറല്‍ സെക്രട്ടറി കെ സുരേന്ദ്രന്‍ ഉദ്ഘാടനം ചെയ്തു. യു.കെ അബ്ദുല്ല അധ്യക്ഷനായി. എം.ടി.കെ ബാലന്‍, കെ.പി.എസ് ഷംസീര്‍, യൂസഫ് ചോയ്‌സ്, എം.ആര്‍.എ കുഞ്ഞമ്മദ്, അപ്‌സര നാസര്‍, മുനീര്‍, റഹീം സഫ, മുസ്തഫ, വി.കെ.ജി ധനേഷ്, സമദ് അറക്കല്‍ സംസാരിച്ചു.