കുപ്പാടിത്തറ: കുറുമ്പാല ഗവ. ഹൈസ്‌കൂളില്‍ സ്‌നേഹപൂര്‍വം സുപ്രഭാതം പദ്ധതിക്ക് തുടക്കമായി. സലാല കെ.എം.സി.സി നേതാവും പൊതുകാര്യ പ്രസക്തനുമായ നടമ്മല്‍ സ്വദേശി എം.സി അബ്ദുല്ല ഹാജിയാണ് സ്‌പോണ്‍സര്‍ ചെയ്തത്.
പി.ടി.എ പ്രസിഡന്റ് കുനിയന്‍ മുഹമ്മദ് അധ്യക്ഷനായി. സ്‌കൂള്‍ ലീഡര്‍ മുഹമ്മദ് റാഫിക്ക് കോപ്പി നല്‍കി എം.സി അബ്ദുല്ല ഹാജി ഉദ്ഘാടനം ചെയ്തു. ഓര്‍ഗനൈസര്‍ ഹാരിസ് ബാഖവി കമ്പളക്കാട് പദ്ധതി വിഷദീകരിച്ചു. എസ്.എം.സി ചെയര്‍മാന്‍ കാഞ്ഞായി ഉസ്മാന്‍, എസ്.കെ.എസ്.എസ്.എഫ് ജില്ലാ സെക്രട്ടറി മൊയ്തുട്ടി യമാനി, ഫൈസല്‍ മച്ചിങ്ങല്‍, അധ്യാപകരായ എം അബ്ദുല്‍ അസീസ്, ഷാജന്‍, ഗോപി ദാസന്‍ സംബന്ധിച്ചു. പ്രധാനാധ്യാപകന്‍ എ.കെ ഫിലിപ്പ് സ്വാഗതവും സ്റ്റാഫ് സെക്രട്ടറി മുഹമ്മദ് സ്വാലിഹ് മാസ്റ്റര്‍ നന്ദിയും പറഞ്ഞു. നൂറിലേറെ വര്‍ഷം പഴക്കമുള്ള കുറുമ്പാല സ്‌കൂള്‍ ജില്ലയിലെ തന്നെ ആദ്യ സ്‌കൂളുകളിലൊന്നാണ്. അഞ്ചൂറോളം വിദ്യാര്‍ഥികള്‍ പഠിക്കുന്ന സ്‌കൂള്‍ നാല് വര്‍ഷം മുമ്പാണ് ഹൈസ്‌കൂളാക്കി ഉയര്‍ത്തിയത്. ആദ്യമായി എഴുതിയ കഴിഞ്ഞ വര്‍ഷത്തെ എസ്.എസ്.എല്‍.സി പരീക്ഷയില്‍ 85 ശതമാനം വിജയം നേടാന്‍ സ്‌കൂളിന് സാധിച്ചു.