കുമ്പള: കുമ്പളയില്‍ ബൈക്കും സ്‌കൂട്ടറും കൂട്ടിയിടിച്ചുണ്ടായ അപകടത്തില്‍ മൂന്നുപേര്‍ക്ക് പരിക്കേറ്റു. സ്‌കൂട്ടര്‍ യാത്രക്കാരന്‍ കാസര്‍കോട് അടുക്കത്ത്ബയലിലെ രമേശ് (45), ബൈക്കില്‍ സഞ്ചരിക്കുകയായിരുന്ന കുമ്പള കോയിപ്പാടി കടപ്പുറത്തെ മുഹമ്മദ് ഹനീഫ് (22), അബ്ദുല്‍ ലത്തീഫ് (18) എന്നിവര്‍ക്കാണ് പരുക്കേറ്റത്. ഇവരെ കുമ്പള സഹകരണ ആശുപത്രിയില്‍ പ്രവേശിപ്പിച്ചു. ഇന്നലെ രാവിലെ ഒന്‍പതു മണിയോടെ കുമ്പള നിത്യാനന്ദ മഠത്തിന് സമീപമാണ് അപകടമുണ്ടായത്.