ഷൊര്‍ണൂര്‍: ഹരിജന്‍ വിദ്യാര്‍ഥികള്‍ക്ക് ലഭിക്കേണ്ട വര്‍ധിപ്പിച്ച ലംസം ഗ്രാന്റ് ഈ മാസം മുതല്‍ ലഭിച്ചേക്കും. പതിവുപോലെ സ്‌കൂള്‍ തുറന്ന് ഒരു മാസമാകുമ്പോഴേക്കും ഗ്രാന്‍ഡ ലഭിച്ചിരുന്നു. വര്‍ധിപ്പിച്ച ഗ്രാന്റ് കൊടുക്കുമെന്നു പറഞ്ഞിരുന്നെങ്കിലും പിന്നീട് നീണ്ട് പോകുകയായിരുന്നു. അന്‍പത് പട്ടികജാതി ഓഫിസില്‍ നിന്ന് അന്‍പതതു സ്‌കൂളിലേക്ക് ഗ്രാന്റ് മാറിയതായി അറിയുന്നു. എല്‍.പി.സ്‌ക്കൂള്‍ വിദ്യാര്‍ഥികള്‍ക്ക് എഴുപത് രൂപയാണ് വര്‍ധിപ്പിച്ചത്.
ഇരുനൂറ്റി അന്‍മ്പത് രൂപയായിരുന്നു ലഭിച്ചിരുന്നത്. യു.പി വിദ്യാര്‍ഥികള്‍ക്ക് നൂറ്റി മുപ്പത് രൂപയാണ് വര്‍ധിപ്പിച്ചത്.
അഞ്ഞൂറ് രൂപയായിരുന്നു ലഭിച്ചിരുന്നത്. ഇനിമുതല്‍ അറുനൂറ്റിമുപ്പത് രൂപയാണ് ലഭിക്കുക. ഹൈസ്‌ക്കൂള്‍ വിദ്യാര്‍ഥികള്‍ക്ക് എഴുനൂറ്റിയമ്പത് രൂപയില്‍ നിന്ന് തൊള്ളായിരുത്തി നാല്‍പത് രൂപയായി വര്‍ധിപ്പിച്ചു.
നൂറ്റിതൊണൂറ് രൂപയാണ് വര്‍ധിപ്പിച്ചത്. പ്ലസ് വണ്‍, പ്ലസ്ടു, ഡിഗ്രി, പി.ജി.വിദ്യാര്‍ഥികള്‍ക്ക് ഗ്രാന്റ് വര്‍ധിപ്പിച്ചിട്ടുണ്ട്. ഇവരുടെ ഗ്രാന്റ് അവരവരുടെ ബാങ്ക് അക്കൗണ്ടുകളിലാണ് വരിക.