തിരുവനന്തപുരം: പൂന്തുറ അറബിക് കോളജില്‍ ദീര്‍ഘകാലം പ്രിന്‍സിപ്പാളും പൂന്തുറ പുത്തന്‍പള്ളിയില്‍ ചീഫ് ഇമാമുമായിരുന്ന പി.കെ.കോയാ മൗലാനയുടെ സ്മരണാര്‍ഥം രൂപീകൃതമായ ചാരിറ്റബിള്‍ ട്രസ്റ്റിന്റെ വാര്‍ഷിക സമ്മേളനത്തിന് ഇന്നു തുടക്കമാകും. പൂന്തുറ പുത്തന്‍പള്ളി കോമ്പൗïില്‍ അഞ്ച് ദിവസങ്ങളിലായി നടക്കുന്ന വിവിധ സമ്മേളനങ്ങളില്‍ മൗലാനാ സയ്യിദ് അര്‍ഷദ് മദനി, ഡോ. ഫലാഹ് ഇസ്മാഈല്‍ അഹമ്മദ് മന്തക്കാര്‍ കുവൈറ്റ്, സുഊദ് മുഹമ്മദ് അല്‍ ഉത്തൈബി കുവൈറ്റ്, വി.എം. മൂസാ മൗലാന, ചേലക്കുളം അബുല്‍ ബുഷ്‌റാ മൗലവി തുടങ്ങിയ പ്രമുഖര്‍ പങ്കെടുക്കും. മതപ്രഭാഷണ പരമ്പരയ്ക്ക് ഹാഫിസ് അഫ്‌സല്‍ ഖാസിമി, ഇ.പി. അബൂബക്കര്‍ ഖാസിമി, നവാസ് മന്നാനി, സിംസാറുല്‍ ഹഖ് ഹുദവി, കാഞ്ഞാര്‍ അഹമ്മദ് കബീര്‍ ബാഖവി എന്നിവര്‍ നേതൃത്വം നല്‍കും.