മൂവാറ്റുപുഴ: മുതിര്‍ന്ന പൗരന്മാരുടെ അറിവുകളും, അനുഭവങ്ങളും, യുവതലമുറക്ക് പകര്‍ന്നു നല്‍കുന്നതിനായി താലൂക്ക് ലൈബ്രറി കൗണ്‍സില്‍ നടപ്പിലാക്കുന്ന ഗുരു സംഗമം പദ്ധതിക്ക് തുടക്കമായി. പായിപ്ര എ.എം.ഇബ്രാഹിം സാഹിബ് പബ്ലീക് ലൈബ്രറിയില്‍ ആരംഭിച്ച ഗുരു സംഗമം പദ്ധതി താലൂക്ക് ലൈബ്രറി കൗണ്‍സില്‍ പ്രസിഡന്റ് ജോസ് കരിമ്പന ഉദ്ഘാടനം ചെയ്തു.
താലൂക്ക് സെക്രട്ടറി കെ.എം.ഗോപി മുഖ്യ പ്രഭാഷണം നടത്തി. ലൈബ്രറി പ്രസിഡന്റ് എം.കെ. ജോര്‍ജ്ജ് അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പര്‍ പായിപ്ര കൃഷ്ണന്‍, ജില്ലാ ലൈബ്രറി കൗണ്‍സില്‍ ജോയിന്റ് സെക്രട്ടറി സി.കെ.ഉണ്ണി, വി.പി.ആര്‍. കര്‍ത്ത, ഇ.എ. ഇബ്രാഹിം, എന്‍. പി. ഗോപാലന്‍ നായര്‍, എ.എം. കുഞ്ഞുബാവ, ഒ.കെ. രാമന്‍നായര്‍, എം.എസ്. ശ്രീധരന്‍, മുരളി അകത്തൂട്ട് എന്നിവര്‍ സംസാരിച്ചു.
ഗുരുസംഗമം പദ്ധതിയുടെ കോഓര്‍ഡിനേറ്ററായി ഇ.എ. ഇബ്രാഹിം, സഹ കോഓര്‍ഡിനേറ്ററായി വി.പി. ആര്‍. കര്‍ത്താവിനേയും താലൂക്ക് ലൈബ്രറി കൗണ്‍സില്‍ നിയമിച്ചു. ലൈബ്രറി സെക്രട്ടറി കെ.ഘോഷ് സ്വാഗതവും, വി.സി. വാസുദേവന്‍ നന്ദിയും പറഞ്ഞു.