ആലുവ: കൊച്ചി നാവിക കമാന്റിന്റെ കീഴിലുള്ള സിഗ്നല്‍ സ്‌കൂളിലെ ഉപഹാരങ്ങള്‍ നല്‍കാന്‍ നേവി സംഘം ജനസേവ ശിശുഭവനിലെത്തി. കമാന്‍ണ്ടര്‍ എം.പി. മാത്യൂവിന്റെ നേതൃത്വത്തില്‍, എന്‍. സതീശന്‍, എസ്. കെ. യാദവ്, ഡി. സിങ്ങ് എന്നീ ഉദ്യോഗസ്ഥരാണ് ജനസേവ ശിശുഭവന്‍ കുട്ടികളെ സന്ദര്‍ശിക്കാനെത്തിയത്.
സിഗ്നല്‍ സ്‌കൂളിന്റെ 59-ാമത് ആനിവേഴ്‌സറിയോടനുബന്ധിച്ച് അദ്ധ്യാപകരും കുട്ടികളും ചേര്‍ന്ന് ഒരുക്കിയ 'ജോയ് ഓഫ് ഗിവിങ്ങ് ' ന്റെ ഭാഗമായി ലഭിച്ച പഠനോപകരണങ്ങളും നിത്യോപയോഗ സാധനങ്ങളും നേവി ഉദ്യോഗസ്ഥര്‍ ജനസേവ ശിശുഭവനിലെ കുട്ടികള്‍ക്ക് സമ്മാനിച്ചു.
ജനസേവ ശിശുഭവന്‍ ഓഡിറ്റോറിയത്തില്‍ നടന്ന ചടങ്ങില്‍ ജനസേവ കണ്‍വീനര്‍ ജോബി തോമസ്, ജനസേവ അഡൈ്വറി ബോര്‍ഡ് ചെയര്‍മാന്‍ ക്യാപ്റ്റന്‍ എസ്. കെ. നായര്‍ എന്നിവരുടെ സാന്നിദ്ധ്യത്തില്‍ കുട്ടികള്‍ നേവി സ്‌കൂളിന്റെ ഉപഹാരം ഏറ്റുവാങ്ങി. ജനസേവ ശിശുഭവനിലെ കുട്ടികളുടെ കലാപരിപാടികള്‍ വീക്ഷിച്ച നേവി സംഘം അവരോടൊപ്പം രണ്ട് മണിക്കൂറോളം സമയം ചിലവഴിച്ചാണ് മടങ്ങിയത്.