കഴക്കൂട്ടം: റേഷന്‍ പഞ്ചസാരയുമായെത്തിയ ലോറി സംശയത്തെ  തുടര്‍ന്ന് നാട്ടുകാര്‍ തടഞ്ഞു.
ലോറിയില്‍ നിന്ന് ഡ്രൈവര്‍ ഇറങ്ങി ഓടിയതാണ് നാട്ടുകാരില്‍ സംശയമുളവാക്കിയത്. തിങ്കളാഴ്ച രാത്രി ഒന്‍പതരയോടെയാണ് സംഭവം. തുടര്‍ന്ന് കഠിനംകുളം പൊലിസ് എത്തി ലോറി സ്‌റ്റേഷനിലേക്ക് മാറ്റി. മദ്യപിച്ചിരുന്നതുകൊണ്ടാണ് ഡ്രൈവര്‍ ഇറങ്ങി  ഓടിയതെന്ന് പൊലിസ് അറിയിച്ചു. ഇന്നലെ സപ്ലൈ ഓഫിസറെത്തി പഞ്ചസാര റേഷന്‍കടകളിലേക്ക് വിതരണത്തിന് കൊണ്ടു വന്നതാണന്ന് അറിയിക്കുകയും കഠിനംകുളം പൊലിസ് ലോറിയുള്‍പ്പെടെ പഞ്ചസാര വിട്ടുനല്‍കുകയും ചെയ്തു.