കൊല്ലം: ജോനകപ്പുറം സംഘര്‍ഷത്തിലെ   ഒന്നാം പ്രതിയെ പൊലിസ് അറസ്റ്റു ചെയ്തു.  ജോനകപ്പുറം മുസ്‌ലിം കോളനിയില്‍ ഷറഫുദീന്‍(52) ആണ് അറസ്റ്റിലായത്.
ഇതോടെ ഈ കേസില്‍ അറസ്റ്റിലായവരുടെ  എണ്ണം 26 ആയി. നേരത്തെ അറസ്റ്റിലായവരെ ചോദ്യം ചെയ്തതില്‍ നിന്നും വീഡിയോദൃശ്യങ്ങളില്‍ നിന്നുമാണ് പ്രതിയെ  തിരിച്ചറിഞ്ഞത്. ഇന്നലെ കൊല്ലത്തുനിന്നുമാണ് ഇയാളെ പള്ളിത്തോട്ടം പൊലിസ് പിടികൂടിയത്.സംഘര്‍ഷം ഉണ്ടായതിനെതുടര്‍ന്ന് ഏര്‍പ്പെടുത്തിയിരുന്ന നിരോധനാജ്ഞ ഏതാനും ദിവസങ്ങള്‍ക്കുമുമ്പ് പിന്‍വലിച്ചിരുന്നു. പ്രദേശം ഇപ്പോള്‍ സാധാരണനിലയിലായിട്ടുണ്ട്.