കോഴിക്കോട്: നഗരത്തില്‍ അനധികൃതമായി പാര്‍ക്ക് ചെയ്ത 70 ഇരുചക്ര വാഹനങ്ങള്‍ ട്രാഫിക് പൊലിസ് പിടിച്ചെടുത്തു. ഇവയുടെ ഉടമസ്ഥര്‍ക്കെതിരേ ശക്തമായ നടപടി സ്വീകരിക്കാനാണ് പൊലിസിന്റെ തീരുമാനം.
കാല്‍നടയാത്രക്കാരില്‍ നിന്ന് പതിവായി പരാതി ഉയര്‍ന്ന സാഹചര്യത്തിലായിരുന്നു പരിശോധന. രണ്ടാംഘട്ടമായി അനധികൃത പാര്‍ക്കിങ് നടത്തുന്ന കാറുകള്‍, ഓട്ടോകള്‍ തുടങ്ങിയവയ്‌ക്കെതിരേയും നടപടിയെടുക്കും. മൊഫ്യൂസില്‍ ബസ് സ്റ്റാന്‍ഡ്, പാളയം ബസ് സ്റ്റാന്‍ഡ് എന്നിവിടങ്ങളിലെ അനധികൃത കച്ചവടത്തിനെതിരേയും നടപടിയെടുക്കും.