നാദാപുരം: ഉപജില്ലാ സ്‌കൂള്‍ കലോത്സവം ഈമാസം 28, 29, 30, ഡിസംബര്‍ ഒന്ന് തിയതികളില്‍ നാദാപുരം ടി.ഐ.എം ഗേള്‍സ് ഹയര്‍ സെക്കന്‍ഡറി സ്‌കൂളില്‍ നടക്കും. പരിപാടിയുടെ വിജയത്തിനായി ഗ്രാമപഞ്ചായത്ത് പ്രസിഡന്റ് എം.കെ സഫീറ ചെയര്‍പേഴ്‌സനും പ്രിന്‍സിപ്പല്‍ അബ്ദുല്‍ ഗഫൂര്‍ ജനറല്‍ കണ്‍വീനറും ഹെഡ്മാസ്റ്റര്‍ ഇ. സിദ്ദീഖ് കണ്‍വീനറും ഉപജില്ലാ വിദ്യാഭ്യാസ ഓഫിസര്‍ യു. വിജയന്‍ ട്രഷററുമായി സ്വാഗതസംഘം രൂപീകരിച്ചു.
സ്വാഗതസംഘം രൂപീകരണ യോഗം തൂണേരി ബ്ലോക്ക് പഞ്ചായത്ത് പ്രസിഡന്റ് സി.എച്ച് ബാലകൃഷ്ണന്‍ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് എം.കെ സഫീറ അധ്യക്ഷയായി. ജില്ലാപഞ്ചായത്ത് അംഗം അഹമ്മദ് പുന്നക്കല്‍, ഗ്രാമപഞ്ചായത്ത് വൈസ് പ്രസിഡന്റ് സി.വി കുഞ്ഞികൃഷ്ണന്‍, ബ്ലോക്ക് പഞ്ചായത്ത് സ്ഥിരംസമിതി ചെയര്‍മാന്‍ കെ. ചന്തു, മtïmടി ബഷീര്‍ മാസ്റ്റര്‍, സ്‌കൂള്‍ മാനേജര്‍ മുഹമ്മദ് ബംഗ്ലത്ത്, പി.ടി.എ പ്രസിഡന്റ് നാസര്‍ എടച്ചേരി, എം.കെ അഷ്‌റഫ് സംസാരിച്ചു.