അരീക്കോട്: നാലിന് മലപ്പുറത്ത് നടക്കുന്ന ശരീഅത്ത് സംരക്ഷണ റാലി വിജയിപ്പിക്കാന്‍ ഊര്‍ങ്ങാട്ടിരി പഞ്ചായത്ത് സമസ്ത കോഡിനേഷന്‍ കണ്‍വന്‍ഷന്‍ തീരുമാനിച്ചു. പഞ്ചായത്തിലെ എല്ലാ മഹല്ലുകളില്‍ നിന്നും പ്രവര്‍ത്തകരെ എത്തിക്കാന്‍ വാഹനങ്ങള്‍ സജ്ജീകരിച്ചു. ഷൗക്കത്തലി ദാരിമി അധ്യക്ഷനായി. അബ്ദുറഷീദ് ദാരിമി പൂവത്തിക്കല്‍, അബ്ദുല്‍ ലത്തീഫ് മാസ്റ്റര്‍, ഉമര്‍ ദര്‍സി തച്ചണ്ണ, സ്വബാഹ് തങ്ങള്‍, ശരീഫ് വെറ്റിലപ്പാറ, അബ്ദുല്‍ മജീദ് തെരട്ടമ്മല്‍ എന്നിവര്‍ സംസാരിച്ചു.

'അരീക്കോടിന് പെരുമ' സംഘടിപ്പിച്ചു

അരീക്കോട്: പഴയ കാല അരീക്കോടിന്റെ ചരിത്രവും അനുഭവങ്ങളും പങ്കു വെക്കാന്‍ മാസ് അരീക്കോട് 'അരീക്കോടിന് പെരുമ'കൂട്ടായ്മ സംഘടിപ്പിച്ചത്. പുതിയ തലമുറയും പഴയതലമുറയിലെ കാരണവന്മാരും ഒത്തുകൂടി. അരീക്കോട് എസ്.ഐ കെ. സിനോദ് ഉദ്ഘാടനം ചെയ്തു. മാസ് സെക്രട്ടറി എം.പി ഹിദായത്തുള്ള സ്വാഗതം പറഞ്ഞു. പി.പി സഫറുള്ള പരിപാടി നിയന്ത്രിച്ചു. മാസ് പ്രസിഡന്റ് അബ്ദുല്‍ ഖയ്യൂം, സജീര്‍ നേതൃത്വം നല്‍കി.