പുത്തനത്താണി: തവനൂര്‍, കോട്ടക്കല്‍ മണ്ഡലത്തിലെ പി.ഡി.പി സ്ഥാനാര്‍ഥികള്‍ ഒരേ ബൂത്തില്‍ വോട്ട് രേഖപ്പെടുത്തി. കോട്ടക്കല്‍ മണ്ഡലത്തിലെ നെയ്യത്തൂര്‍ കുഞ്ഞിമുഹമ്മദ് എന്ന കുഞ്ഞിപ്പയും തവനൂര്‍ മണ്ഡലത്തിലെ മനയങ്ങാട്ടില്‍ അലി എന്ന അലി കാടാമ്പുഴ യുമാണ് ഒരേ ബൂത്തില്‍ വോട്ട് രേഖപ്പെടുത്തിയത്. കരേക്കാട് നോര്‍ത്ത് എം.എഫ് മദ്‌റസയിലെ 56-ാം ബൂത്തില്‍ രാവിലെ ഏഴിനു ശേഷം അലിയും പത്തേ മുക്കാലിന് കുഞ്ഞിമുഹമ്മദും വോട്ടുകള്‍ രേഖപ്പെടുത്തി.