ചാവക്കാട് : ഉമ്മന്‍ ചാണ്ടി സര്‍ക്കാര്‍ ഒരു രൂപയുടെ അരി പ്രഖ്യാപിച്ചതും, വിതരണം നടത്തിയതും, കേന്ദ്രത്തെ കണ്ട് കൊണ്ടല്ലന്ന മുസ്ലിംലീഗ് ജില്ലാ പ്രസിഡന്റ് സി.എച്ച് റഷീദ് പറഞ്ഞു. റേഷന്‍ കാര്‍ഡിലെ അപാകതകള്‍ പരിഹരിക്കണമെന്നാവശ്യപ്പെട്ട് മുസ്ലിം യൂത്ത് ലീഗ് ഗുരുവായൂര്‍ നിയോജകമഡലം കമ്മിറ്റി ചാവക്കാട് താലൂക്ക് സപ്ലൈ ഓഫിസിലേക്ക് നടത്തിയ മാര്‍ച്ചിനു ശേഷം നടന്ന പൊതുയോഗം ഉദഘാടനം ചെയ്തു സംസാരിക്കുകയായിരുന്നു അദേഹം.
സംസ്ഥാനം അഭിമുഖീകരിക്കുന്ന ഏറ്റവും വലിയ പ്രതിസന്ധിയാണ് റേഷന്‍ കാര്‍ഡിലെ അപാതക. ഈ വിഷയം ലാഘവത്തോടെയാണ് ഇടതു സര്‍കാര്‍ കാണുത്. റേഷന്‍ സബ്‌സിഡി വെട്ടിച്ചുരുക്കിയ കേന്ദ്രത്തെ പഴിചാരി ഈ പ്രശ്‌നത്തെ രാഷ്ട്രീയവത്കരിച്ചു പാവങ്ങളെ പട്ടിണിയിലേക്ക് വലിച്ചിഴക്കുകയാണ് ഇടതു സര്‍ക്കാര്‍ ചെയ്യുന്നതെന്നും സി.എച്ച് റഷീദ് ആരോപിച്ചു. മുസ്ലിം യൂത്ത ലീഗ് നിയോജക മണ്ഡലം പ്രസിഡന്റ്് വി.എം മനാഫ് അധ്യക്ഷനായി. മുസ്ലിം ലീഗ് മണ്ഡലം നേതാക്കളായ വി.കെ മുഹമ്മദ അണ്ടത്തോട്്, പി.കെ ബഷീര്‍, നഗരസഭാ കൗണ്‍സിലര്‍ ടി.എ ഹാരിസ്, ജില്ലാ യൂത്ത് ലീഗ് ഭാരവാഹികളായ ടി.കെ ഉസ്മാന്‍, വി.പി മന്‍സൂറലി, നൗഷാദ് തെരുവത്ത്, അഷ്‌കര്‍ കുഴിങ്ങര, മണ്ഡലം യൂത്ത് ലീഗ് ജനറല്‍ സെക്രട്ടറി എ.വി അലി അകലാട്, ട്രഷറര്‍ എ.വി ഷജീര്‍ എന്നിവര്‍ സംസാരിച്ചു.പ്രതിഷേധ മാര്‍ച്ചിന് അസീസ് മന്ദലാംകുന്ന്, നൗഫല്‍ കുഴിങ്ങര, നിഷാദ് ഒരുമനയൂര്‍, സുജാവു ഗുരുവായൂര്‍, തൗഫീക് ചേറ്റുവ, തൗഫീഖ് കടപ്പുറം, എം.സി ഗഫൂര്‍, മനാഫ് മന്ദലാംകുന്ന്്, ഷാഫി എടക്കഴിയൂര്‍, സി.എം ഇസ്മായില്‍, ഹനീഫ മാളിയേക്കല്‍, ബാദുഷ അണ്ടത്തോട്, റിയാസ് കെ.എം, ടി.ആര്‍ ഇബ്രാഹിം, ഷജീര്‍ വട്ടംപാടം, അന്‍വര്‍ അസീസ് നേതൃത്വം നല്‍കി.